PhotoExhibition «The main is the quality in every work» in Yerevan

«Ամեն գործում որակն է կարևոր» խորագրով ցուցահանդեսը կայացավ…

Նոյեմբերի 27-ին Սիրահարների այգում «Հայաստանի Ֆոտոարվեստի Խորհուրդը» առաջին անգամ Հայաստանում կազմակերպել էր լուսանկարների ոչ ստանդարտ ցուցադրություն, որի միջոցով կոչ էր անում ապահովել որակ ցանկացած ոլորտում` լինի դա արվեստ, արհեստ թե ցանկացած այլ գործ: Պրոֆեսիոնալ լուսանկարիչ Հայկ Սենեքերիմյանի «Ամեն գործում որակն է կարևոր» խորագրով ցուցահանդեսին ներկայացված էին իրենց ոլորտում առաջատար անհատների լուսանկարներ: Նրանք են. 

Դերասան Սոս Սարգսյան,

Շախմատիստ Տիգրան Պետրոսյան,

«Դորիանս» ռոք-խումբ,

Հաղորդավար Ավետ Բարսեղյան,

Հաղորդավարուհի Գոհար Գասպարյան,

Սպորտային պարերի պրոֆեսիոնալ պարուհի Վարդուհի Ալեքսանյան,

Խոհարար Սեդրակ Մամուլյան,

Դուդուկահարներ ավագ և կրտսեր Ջիվան Գասպարյաններ,

Նկարիչ-դիզայներ Նուռ,

«Վիտամին» ակումբ,

«Erak project» խումբ,

Ռեժիսոր Արկա Մանուկյան,

Նկարչուհի Նանա Արամյան,

Սպորտի վարպետության թեկնածու, Հայաստանի և ԱՊՀ-ի քիք-բոքսինգի 2010 թվականի չեմպիոն Կարապետ Մանուկյան:

Ցուցահանդեսն անցավ շատ լավ, հաճելի մարդկանց շրջապատում և բարձր տրամադրությամբ: Բոլոր նյութերը, ինչպես նաև բոլոր լուսանկարները շուտով կտեղադրվեն այս բլոգում: Իսկ այս պահին ՝ այն լուսանկարները, որոնք ցուցադրվել էին ցուահանդեսին:

«Հայաստանի Ֆոտոարվեստի Խորհուրդը» շնորհակալություն է հայտնում ֆոտոսեսիաներին մասնակցած բոլոր անձանց, ցուցահանդեսը լուսաբանող բոլոր լրագրողներին և Սիրահարների այգու տնօրինությանը:

Արկա Մանուկյան

Ավետ Բարսեղյան

«Դորիանս»

Erak project

Ատամհատիկի տեսարան փոքրիկ Արեգի հետ:)

Գոհար Գասպարյան

Ավագ և կրտսեր Ջիվան Գասպարյաններ

Կարապետ Մանուկյան

Նանա Արամյան

Նուռ

Սեդրակ Մամուլյան

Սոս Սարգսյան

Տիգրան Պետրոսյան

Վարդուհի Ալեքսանյան

«Վիտամին» ակումբ

Հայկ Սենեքերիմյանի գործունեության մասին

Հայկ Սենեքերիմյանը լուսանկարչությամբ է զբաղվում 10 տարուց ավելի: Ուսանել է Ռուսաստանի լավագույն գովազդային լուսանկարիչերից մեկի՝ Էդուարդ Կրաֆտի մոտ: Մանսկացել է միջազգային լուսանկարչական դասընթացների Ռուսաստանում և Հունաստանում: 2002 թվականին մասնակցել է Մալթայում կազմակերպված ցուցահանդես-մրցույթին, իսկ նույն թվականի ձմռանը նրա լուսանկարներն անցնելով մրցույթը, ցուցադրվել են Լա Վալետա քաղաքում: 2007 թվականից սկսած համագործակցել է Հայաստանի առաջատար ամսագրերի և գովազդային գործակալությունների հետ, այդ թվում ՝ AZD, Status Holding, Luxury, Prime, Ararat, Menq և այլն: 2008 թվականին որպես լուսանկարիչ աշխատել է «Սիրով և երախտագիտությամբ» ֆիլմի նկարահանումներին, որը ստացել է «Ոսկե Ծիրան» փառատոնի գրան պրին: Ֆիլմում օգտագործվել են նրա լուսանկարները: 2009 թվականին իր «Օրորոցում» լուսանկարով Հայկը հաղթող է ճանաչվել «Ռուսկիյ ռեպորտյոր» ամսագրի և  photopolygon.com կայքի կողմից կազմակերպված «Կյանքը՝ ինչպես հրաշք» խորագրով մրցույթին: